موضوع مهم النصائح الذهبية فى الذهاب للجهادية ..

1- بيان نجاح اعمله في الكلية. (قبل الساعة 12).

2- نموذج 6 جند اسحبه بسرعة من ملفك قبل ما الملف يتنقل من شئون الطلبة للخريجين والا هاتضطر تسحب الملف كله وموال .(بعد الساعة 12).

3- صور شخصية تقريبا 3 بس جهز اكتر.

4- شهادة ميلاد رقم قومي تجيبها بخمسة جنية من السجل المدني برقمك القومي.
ملحوظة ( الشهاده كانت ب 5 جنيه زمان دلوقتى البركة فى الحكومة الالكترونيه غلوها وبقت بحوالى 8 جنيه او اكتر على حسب زمة الموظف)

5- لو انت مش مواليد 1985لازم تجيب ورقة اسمها تأكيد بيانات إوعى تستغبى وتملاها !! عشان السجل المدنى فى القسم يعرفوا بياناتك أحسن منًى ومنك !!

6- اعمل فصيلة دم فى أى مستشفى حكومى لأن المستشفيات الحكومى هى بس اللى عندها الأجهزة الدقيقة !

7- فيش جنائي .....

8- تشتري الورقة بتاعت الفيش نفسها من البريد وتجيب نموذج مستعجل .

9- تحط عليها طابع شرطة بـ 3 جنية وتجيبه من القسم.

10- تعمله وتمسح ايديك في الحيطة.

11- تاني يوم بعد الضهر على الساعة 2 هاتستلمه من نفس المكان.

12- لما يتم الاعلان عن بدء التلقي تروح القسم وبيكون فيه مندوب التجنيد .

13- بيحدد لك يوم وتاخد فيه فيش عسكري غير الفيش الاولاني

14- تملى الفيش وتمسح في الحيطة برضة.

15- المرة دي مش هاتسلمه للي اديته الفيش المرة الاولى.

16- هاتروح تختمه من شيخ الحارة وده بيكون في القسم برضة.

17- ترجع تاني لمندوب التجنيد وتديه الملف.

18- الملف لازم يكون في ظرف بلاستك اللي فيه كبسولة.

19- هو بياخد الملف منك ويرميه على الارض .

20- بعد كده في يوم تاني يديك الملف تاني ومعاه كارت عليه ميعاد الكشف الطبي.

21- الكشف الطبي بيكون في الهايكستب .

22- يوم الكشف تاخد معاك كل الورق ده وتصور من كل حاجة 5 نسخ .

23- وانت داخل هتلاقي فيه طابورين واحد على اليمين وده اللي بتدخل منه.

24- والتاني بيبقي فيه كوبونات تصوير لازم تشتريها بلطجة لانك مش هاتدخل من غيرها .

25- هي بتستخدم بس علشان تصور بيها ورق وانت اساسا مصور ورقك لكن العساكر بتعمل مصلحة.

26- يفضل انك تكون حالق دقنك وشعرك علشان ما تمرمش بتجارب مش لطيفة.

27- هناك بقي ربنا معااك!!

28- متنساش تدعيلى ان ربنا يسترها معانا ومندخلش !

29- تحيا مصر..