من طرف اهلا بيكم ..
طبعا عنوان الموضوع غريب شويه .. صح؟
تعالوا كده نفكر بهدوء شوية ونقف واقفة مع نفسنا ( زى الاعلانات الحمرا اللى مليه الشوارع دلوقتى اللى بتمنها كانوا عملو مشروعين لامداد المياه للمناطق المحرومة وخصوصا واحنا فى جحيم الصيف) المهم ما علينا ايه حكايه الزير والميه النهارده ؟
دلوقتى انت شاب خلصت امتحانات ومستنى الشهادة الكبيرة على رائى جدتى وجدتك او انك اتخرجت من كذا سنة وبتصارع للحصول على فرصة عمل ( فى تخصصك )..
بعد تفكير عميق وفحص ومحص وتدقيق (زى العظيم رافت فهيم فى همسة عتاب اللى فى الراديو)
لاقيت ان فى شويه افكار فى ايدك تعملها وتطلع منها مش هاقولك ارباح طائله ولا حاجة لكن على الاقل هاتجيب مصاريفك زى ما بيقولوا..
اولها بما انك دلوقتى قاعد بتقرا موضوعى يعنى عندك نت و بالتاكيد عندك خلفيه عن النت ومش بعيد انك تكون انت اللى نزلت وندوز على الجهاز بتاعك اللى انت قاعد دلوقتى بتقرأ موضوعى منه.
وبرده مش مستبعد خالص انك تكون برضة انت اللى جمعت جهازك ده او لما جيت تجيبة فيه واحد صاحبك او قريبك جمعهولك بس انت بعد كده عرفت وبقيت اروبة ازاى تنزل السوق وتشترى مكونات كومبيوتر وتجمعها حته حته جوه الكيسة ..
تعرف ان اللى انت عملته ده اللى هو اشتريت مكونات كومبيوتر وجمعته وقسمت الهارد ونزلت وندوز ووصلته بالنت كل الحاجات دى عارف انها حاجات عظيمة ومش كل الناس تعرف تعمل اللى انت عملته ده .
اذا انت شخص عندك خلفيه بحاجة زى كده وانت دلوقتى فاضى وجه واحد جارك مثلا هايجيب لابنه جهاز كومبيوتر علشان الصيف ( الواد نجح فى الابتدائيه وابوه هايجيبله هديه النجاح كومبيوتر)
اعمله مشروع صغير وده لامحتاج راس مال ولا مكان مشروع عبارة عن صيانه سوفت وير وتجميع اجهزة ووصلات نت وحاجات بسيطة جدااا ( هى دى بئه النوايا اللى هاتسندك مقابل بسيط قدام شغلك ده )ومش هتاخد منك مجهود لكن اولا هاتكون عملت للناس دى ( جيرانك ,اقاربك, اصحابك ...) خدمة كبيرة ورحمتهم من الاشتغلات اللى بتحصل فى شركات الكومبيوتر
يخلى الزبزن شايل الكيسة على قلبه مثلا من مثلا المطريه لغايه الهرم (مقر الشركة ) علشان ينزله عليها وندوز ويقوم واكله فى 50 او 60 جنيه وطبعا احنا عارفين اللى فيها لكن تقول ايه لواحد مايعرفشى ووقع فى شركات بتشتغل الخلق عمال على بطال ..
استثمر وقتك بلاش يبقى كله على القهوة خلى شويه بتجمع جهاز لابن صاحب والدك فى الشغل وبتنزل وندوز لجارك وبتركب رامات لجهاز جارتك وترحمها من بهدله المواصلات واللف على محلات مستلزمات الكومبيوتر واعتبرها اختك او قريبتك وبعملها خدمة ولو حتى من غير مقابل.
صدقنى هتلاقى نفسك محبوب من الناس كلها ( عن تجربة شخصية )..
وفعلا مبسوط من نفسك عارف لمجرد شعورك انك رحمت واحد ماعندوش خلفيه عن الكومبيوتر من اللف والدوران وخسارة فلوس وتقوم انت ترحمه من ده كله والله احساس بمليون جنيه..
شعور حلو او لما تكون مصدر ثقة من الناس ..
تحبك الناس ويحيك ربك وانت نفسك هتلاقى نفسك والله بتعمل علاقات مع ناس كتير وصدقنى هايفدوك بعدين.
ربك بيجعل لكل شيئ سبب ومش بعيد ان واحد من الناس دى يكون هو السبب فى انك تشتغل فى مجالك وشغلانة محترمة
تحياتى لكم ...
طبعا عنوان الموضوع غريب شويه .. صح؟
تعالوا كده نفكر بهدوء شوية ونقف واقفة مع نفسنا ( زى الاعلانات الحمرا اللى مليه الشوارع دلوقتى اللى بتمنها كانوا عملو مشروعين لامداد المياه للمناطق المحرومة وخصوصا واحنا فى جحيم الصيف) المهم ما علينا ايه حكايه الزير والميه النهارده ؟
دلوقتى انت شاب خلصت امتحانات ومستنى الشهادة الكبيرة على رائى جدتى وجدتك او انك اتخرجت من كذا سنة وبتصارع للحصول على فرصة عمل ( فى تخصصك )..
بعد تفكير عميق وفحص ومحص وتدقيق (زى العظيم رافت فهيم فى همسة عتاب اللى فى الراديو)
لاقيت ان فى شويه افكار فى ايدك تعملها وتطلع منها مش هاقولك ارباح طائله ولا حاجة لكن على الاقل هاتجيب مصاريفك زى ما بيقولوا..
اولها بما انك دلوقتى قاعد بتقرا موضوعى يعنى عندك نت و بالتاكيد عندك خلفيه عن النت ومش بعيد انك تكون انت اللى نزلت وندوز على الجهاز بتاعك اللى انت قاعد دلوقتى بتقرأ موضوعى منه.
وبرده مش مستبعد خالص انك تكون برضة انت اللى جمعت جهازك ده او لما جيت تجيبة فيه واحد صاحبك او قريبك جمعهولك بس انت بعد كده عرفت وبقيت اروبة ازاى تنزل السوق وتشترى مكونات كومبيوتر وتجمعها حته حته جوه الكيسة ..
تعرف ان اللى انت عملته ده اللى هو اشتريت مكونات كومبيوتر وجمعته وقسمت الهارد ونزلت وندوز ووصلته بالنت كل الحاجات دى عارف انها حاجات عظيمة ومش كل الناس تعرف تعمل اللى انت عملته ده .
اذا انت شخص عندك خلفيه بحاجة زى كده وانت دلوقتى فاضى وجه واحد جارك مثلا هايجيب لابنه جهاز كومبيوتر علشان الصيف ( الواد نجح فى الابتدائيه وابوه هايجيبله هديه النجاح كومبيوتر)
اعمله مشروع صغير وده لامحتاج راس مال ولا مكان مشروع عبارة عن صيانه سوفت وير وتجميع اجهزة ووصلات نت وحاجات بسيطة جدااا ( هى دى بئه النوايا اللى هاتسندك مقابل بسيط قدام شغلك ده )ومش هتاخد منك مجهود لكن اولا هاتكون عملت للناس دى ( جيرانك ,اقاربك, اصحابك ...) خدمة كبيرة ورحمتهم من الاشتغلات اللى بتحصل فى شركات الكومبيوتر
يخلى الزبزن شايل الكيسة على قلبه مثلا من مثلا المطريه لغايه الهرم (مقر الشركة ) علشان ينزله عليها وندوز ويقوم واكله فى 50 او 60 جنيه وطبعا احنا عارفين اللى فيها لكن تقول ايه لواحد مايعرفشى ووقع فى شركات بتشتغل الخلق عمال على بطال ..
استثمر وقتك بلاش يبقى كله على القهوة خلى شويه بتجمع جهاز لابن صاحب والدك فى الشغل وبتنزل وندوز لجارك وبتركب رامات لجهاز جارتك وترحمها من بهدله المواصلات واللف على محلات مستلزمات الكومبيوتر واعتبرها اختك او قريبتك وبعملها خدمة ولو حتى من غير مقابل.
صدقنى هتلاقى نفسك محبوب من الناس كلها ( عن تجربة شخصية )..
وفعلا مبسوط من نفسك عارف لمجرد شعورك انك رحمت واحد ماعندوش خلفيه عن الكومبيوتر من اللف والدوران وخسارة فلوس وتقوم انت ترحمه من ده كله والله احساس بمليون جنيه..
شعور حلو او لما تكون مصدر ثقة من الناس ..
تحبك الناس ويحيك ربك وانت نفسك هتلاقى نفسك والله بتعمل علاقات مع ناس كتير وصدقنى هايفدوك بعدين.
ربك بيجعل لكل شيئ سبب ومش بعيد ان واحد من الناس دى يكون هو السبب فى انك تشتغل فى مجالك وشغلانة محترمة
تحياتى لكم ...
